✅ شو هدف الدورة التدريبية ؟
هدف الدورة هو مساعدة أي إنسان مهتم بالاستثمار في سوق الأسهم الأمريكي .. ولكن ما عنده أي خبرة في هذا المجال. محتوى الدورة راح يقدم له المعلومات الأساسية اللي يحتاجها حتى يفهم شو يعني استثمار في الأساس .. وكيف يشتغل سوق الأسهم .. وكيف نقدر نختار الشركات الجيدة فيه .. إلى أن نبني محفظة استثمارية قوية تكون دعم لحياتنا الشخصية في المستقبل
✅ هل الدورة مناسبة لي ؟
نعم .. الدورة مناسبة لكل مهتم في عالم أسواق الأسهم .. سواء كنت مبتدئ أو في بدايات الاحتراف
الدورة قد تكون مفيدة أيضا للمتداولين .. لأن الدورة تقدم القاعدة الأساسية لفهم الأسواق .. ومعاها مؤشر فني مجانا ممكن يفيد المتداول متوسط المدى
✅ طيب شو راح أتعلم من هذي الدورة ؟
الدورة مقسمة إلى ثلاث أجزاء .. في الجزء الأول راح نشرح لك الأساسيات .. راح نشرح لك شو يعني أسواق المال .. شو هي الأصول الاستثمارية وأنواعها .. وأيضا شو اللي يخليها تصعد وتنزل .. وكيف تقدر تشتريها سواء كتملك كامل أو من خلال عقود المشتقات
في الجزء الثاني .. راح تتعلم شو يعني محفظة استثمارية .. وشو هي أشكالها .. وشو الفرق ما بين شراءك للأسهم بشكل مباشر أو من خلال الصناديق الاستثمارية
أما في الجزء الأخير .. فراح نتعلم كيف نحلل الشركات ماليا وفنيا .. بأدوات بسيطة .. وثلاث خطوات سهلة إن شاء الله
وفي الختام راح نبني مع بعض مثال لمحفظة استثمارية قوية ماليا
✅ هل تقدم هذي الدورة استراتيجية للاستثمار ؟
نعم .. الدورة تقدم لك استراتيجية واضحة لكيفية بناء محفظتك الاستثمارية الخاصة
✅ كيف راح أحضر هذي الدورة ؟
الدورة عبارة عن مقاطع فيديو مسجلة .. بسيطة وسريعة .. أغلبها أقل من ١٠ دقائق .. لأن الهدف هو إيصال المعلومة المفيدة .. بكل بساطة وبدون تعقيد
وفي نهاية الدورة راح تنضم لجروب تيليجرام .. تستمتع بالنقاشات الجميلة ولأي استفسارات أخرى
✅ شو أتوقع بعد نهاية الدورة ؟
راح تكون انتقلت من مستوى مستثمر مبتدئ .. إلى مستوى مستثمر عارف هو شو قاعد يسوي .. عارف يصنع ويدير محفظته الاستثمارية بنفسه
ولهذا السبب نحن نقدم بعض الأدوات المجانية كهدية مع الدورة .. هدفها نتأكد بأنك في الطريق الصحيح .. والهدايا هي
مؤشر مجاني للتحليل المالي للشركات
مؤشر مجاني للتحليل الفني للشركات والأصول المختلفة
مجموعة مواقع مفيدة جدا لحياتك مستثمر
✅ طيب .. لو حضرت الدورة بس ما استفدت شي ؟
بكل بساطة .. حلال عليك العلم المفيد اللي خذته .. وترجع لك فلوسك بالصحة والعافية
✅ تقدر تعطينا مثال على نجاح استراتيجية الدورة ؟
أكيد .. شوف هذا الشارت اللي بالأسفل .. هذا الشارت يقارن لك أداء المحفظة اللي صنعناها في هذي الدورة التدريبية مع المؤشر العام للسوق الأمريكي
اللي اشترى أسهم بداية ٢٠١٥ باستخدام المحفظة اللي صنعناها في الدورة حقق ١٠ أضعاف أرباح
على عكس اللي اشترى المؤشر العام .. وحقق حول ٦ أضعاف فقط
